जुन दिन देखी सडकपनि घर लाग्न थाल्यो
त्यो दिन बाट जिन्दगी फुटकर लाग्न थाल्यो
प्रेमीले तारा टिपेर उपहार पठाएपछि
प्रेमीकालाई प्रेमीको खुब डर लाग्न थाल्यो
जागीरको पालो कुर्दा कुर्दै बुढो भईएछ
अब त यो मृत्युपनि अवसर लाग्न थाल्यो
आफु हैरान भएकोछु जिन्दगी खोज्दा खोज्दै
आमा भन्छिन नाती हेर्ने रहर लाग्न थाल्यो
गुलाब रिसले आक्रोश भई काडा फुलाउछ
जब कमलमा कसैको नजर लाग्न थाल्यो
कमल संघर्ष
No comments:
Post a Comment