अछामी गजल

अछामी गजल
क्याक्यान ठान्याका हुन्या बिगाड पाड्न लाग्या
अद्दल मान्याका हुन्या बिगाड पाड्न लाग्या

यसा कुडा समझ्या बेरी बरमाण्डो तात्तो छ
 हामीलइ धान्याका हुन्या बिगाड पाड्न लाग्या

 मेरा गाउ तेरा सहरमा डाक्टर हुना हुनाइ
 पगडि बान्याका हुन्या बिगाड पाड्न लाग्या

 केइ काम आछ्छि हामी जसा सयाना मान्ठको
 एक ठ्याउको तान्याका हुन्या बिगाड पाड्न लाग्या

 गजल क्या हो ?भावना क्या हो ? मैकि पन थाछ
नापनाप जान्याका हुन्या बिगाड पाड्न लाग्या

 कमल संघर्ष
ठुलासैन अछाम

कसले के के दिन्छ नया बर्षमा
कति भएकै लिन्छ नया बर्षमा

कस्ले पो देख्याछ भोलीका दिन
बाचिन्छ या मरिन्छ नया बर्षमा

भोका र नाङ्गा लाइ कसैले भनेन
थोरै भएनी बाडिन्छ नया बर्षमा

गजल सुनाउदै सडक सडकमा
यो गजलकार हिन्छ नया बर्षमा

कमल संघर्ष
ठुलासैन अछाम

देश बनाउने अगुवा खोज्दै हिडेको छ
ढुंगा ,माटो र बालुवा खोज्दै  हिडेको छ

गाउमा झाडापखाला फैलिएको सुनेर
सरकार ईनार कुवा खोज्दै  हिडेको छ

क्या अजिबकै मान्छे देखिरहेछु म
आलुको बोटमा अदुवा खोज्दै हिडेको छ

सडकमा फ्याकिएको एउटा बच्चाले
जन्माउने आमा बुवा खोज्दै हिडेको छ

जिन्दगीमा कुनै काम नलाग्ने कमलले
आफु जस्तै लठुवा खोज्दै हिडेको छ 

कमल संघर्ष
ठुलासैन अछाम

यो जिन्दगी प्रकृती जस्तै अनुपम हो
अनि सुख र दुःख फेरीने मोसम हो

नानीबाबु बल सम्झेर खेली दिन्छन
हामीलाई पो डर लाग्छ त्यो बम हो

तिमी तरवार समाउ ,बन्दुक समाउ
आखीर जित्ने जसरी पनि कलम हो

मैले तिमीलाई गर्ने मायाको अगाडि
तिमीले मलाई गर्ने घृर्णा धेरै कम हो

कमल संघर्ष
ठुलासैन अछाम

सहर पसेपछि

आशाका दीन गिनीयो, सहर पसेपछि
आखीर मान्छे चिनीयो, सहर पसेपछि

गाउमा नुनको अभाब, कती हुन्छ कती
माया समेत किनीयो, सहर पसेपछि

उपलब्धी भनौ भने, बस यत्ती भाँहो
लगन गाँठो छिनीयो, सहर पसेपछि

गाउको सोझो केटो म, अल्लारे बनेर
खै कता कता हिनीयो, सहर पसेपछि

कमल संघर्ष
मंगलसैन,अछाम

मेरो अछाम देखिन्न धरहरा बाट

माटो चोरीदै गएपछी जरा बाट
उजाड भो जिन्दगी हराभरा बाट

घर बनाउदै छोड्न थालेको हु
प्रभाबित भएदेखी म चराबाट

तिमीले पहिलो भेटमै मन मार्यौ
कहिल्यै आजित भएन फुल भमरा बाट

देखिएला तिम्रै काठमाण्डौ देखिएला
मेरो अछाम देखिन्न धरहरा बाट

मैले मुटु झिकेर मुटुको ठाउमा राखे
बचाउन यो देशलाई खतरा बाट

कमल संघर्ष

क्यानभासमा तस्विर उतार्न नसकेर ।।

जिन्दगी आफ्नो कब्जामा पार्न नसकेर ।
हैरान छु म समयलाई टार्न नसकेर ।।

कैफियत बिमोचन समारोह

https://www.facebook.com/sangharshkamal

जुन दिन देखी सडकपनि घर लाग्न थाल्यो

जुन दिन देखी सडकपनि घर लाग्न थाल्यो

त्यो दिन बाट जिन्दगी फुटकर लाग्न थाल्यो

प्रेमीले तारा टिपेर उपहार पठाएपछि

प्रेमीकालाई प्रेमीको खुब डर लाग्न थाल्यो

जागीरको पालो कुर्दा कुर्दै बुढो भईएछ

अब त यो मृत्युपनि अवसर लाग्न थाल्यो

आफु हैरान भएकोछु जिन्दगी खोज्दा खोज्दै

आमा भन्छिन नाती हेर्ने रहर लाग्न थाल्यो

गुलाब रिसले आक्रोश भई काडा फुलाउछ

जब कमलमा कसैको नजर लाग्न थाल्यो

कमल संघर्ष

छ सुनाउने बानी आउ सुनाउछू

छ सुनाउने बानी आउ सुनाउछू 
सुन्छौ मेरो कहानी?आउ सुनाउछू 

ए कर्णाली तिमी मेरै हो भन्थ्यौ त 
के भन्दैछ राजधानी आउ सुनाउछू 

धन्दा चलेकै थियो ब्यापार राम्मै थियो 
किन भएन आम्दानी?आउ सुनाउछू 

गजल सुनाए उस्ले पागल भन्छ भनेर 
सुनाउदिन भन्या नि , आउ सुनाउछू 

समयले बनाएको जोगीले आफ्नै घर 
किन बनायो त खरानी?आउ सुनाउछु 

सर्बाधिकार@ 
कमल संघर्ष 
ठुलासैन अछाम