धिक्कार्छु म मान्छे भई जन्मिएर पनि
बाँच्नुपर्ने ठाउँठाउँमा बेचिएर पनि
मैले जम्मै आँसु सँगालेर राख्या भए
ताल बन्थ्यो र पोखिन्थ्यो भरिएर पनि
ए पागलप्रेमीहरू भन्नुपूर्व सोच्ने गर
कहाँ बाँचिन्छ मुटु उपहार दिएर पनि
यो प्यास भन्ने चिज मेटाउन सकिनँ
मैले मेरो पूरै जिन्दगी पिएर पनि
आज आँखैअगाडि ठम्याउन गाह्रो पर्यो
जस्लाई देख्थेँ म आँखा चिम्लिएर पनि
No comments:
Post a Comment