गमला पुरानै देखिन्छ फूल नयाँ देखिन्छ

कमल संघर्ष 

गमला पुरानै देखिन्छ फूल नयाँ देखिन्छ
बुज्रक शिक्षक अघि स्कुल नयाँ देखिन्छ
हिमाल मैला पहाड काला देखेछन देख्नेले
म हेर्छु मैले हेर्दा देश बिल्कुल नयाँ देखिन्छ
रङ्गिन भन्नु पनि मनमा भ्रम फैलाउनु रहेछ
बाढिकाे नदि भन्दा जिर्ण पुल नयाँ देखिन्छ
हातहरु काटिए हाम्रा गलाहरु निमाेठिए
भनेका थिए परिवर्तन अामुल नयाँ देखिन्छ
यी लामखुट्टे पुरानै हुन याे काेठा पुरानै हाे
सहरमा केवल मान्छे र झुल नयाँ देखिन्छ
©कमल संघर्ष

गजल -उदाहरणका लागी

prabasi gazakar

सडक बनि सकेछ हेर्दा हेर्दै अाँगन,

काेहि शिरमाथी काेहि पैलता मुनि छन !
जहाँ जहाँ हेर्याे त्यतै जिन्दगी छन  !

हमला जस्ताे न स्विकाराेक्ती जस्ताे,
एउटै हातबाट बजेका थपडि छन !

बुद्ध बाट हिटलर जन्माए छ युगले,
यहा मौनता छन र श्रदाञ्जलि छन !

खत लगाइ उपहार पठाएकि थियौ,
ऐनामा म जस्तै कति छन कति छन !

 सडक बनि सकेछ हेर्दा हेर्दै अाँगन,
अब त बचपनका सम्झना बाँकि छन !
©कमल संघर्ष