१२२२×४ हजज बहर मा गजल

बहर मा गजल

यता मेरो कुरा चल्दा उता मेरो कुरा चल्दा ।
तिमी हाँस्दै खुशी साट्यौ यता दिलमा छुरा चल्दा ।

अचम्मैको छ यो राज्य सँधै यस्को छ चाल उस्तै
जिबनजल पूर्वमा बाँड्यो पखाला बाजुरा चल्दा ।

विचार आजै गरे राम्रो अझै बेला छ ए सरकार
कहाँ के हुन्न होला यी युवाका पाखुरा चल्दा ।

कतै देश नै बिगार्छन की? निकै पिरमा छु साथी म ,
यि ढुङ्गामा यि माटोमा जथाभाबी भुरा चल्दा ।
१२२२×४ हजज
कमल संघर्ष